Pagsasalin ng isang Akda

http://studio.stupeflix.com/v/XcvPJKg29g/

Pakitingin ang link na ito upang biswal na mapanood ang isinaling akda :)

Texstong Isasalin :

·         Dearest son/daughter...

·         The day you see me old and frail and failing, have patience and try to understand me …

·        If I get dirty when eating… if I cannot dress myself… if I am forgetful… have patience with me. Remember the hours I spent teaching these things to you .

·        If, when I speak to you, I repeat the same things a thousand times over… do not interrupt me… listen to me. When you were small, I had to read to you a thousand and one times the same story until you fell asleep...

·         When I do not want to have a shower, neither shame me nor scold me… Remember when I had to chase you with my hundreds of invented excuses… just to get you to wash your hands or take a bath.

·         When you see my ignorance on new technologies… give me the necessary time and try not to look at me with your mocking smile…

·         I taught you how to do so many things… to eat well, to dress right and to confront life. Help me to confront my own aging ways, by being patient with me…

·         When at some moment I lose the memory or the thread of our conversation… let me have the necessary time to remember… and if I cannot do it, do not become anxious… as the more important thing is not my conversation but simply to be with you and to have you listening to me…

·         If ever I do not want to eat, do not force me… I know well when I need to and when not.

·         When my tired legs do not allow me walk ...

·         give me your hand or your arm … the same way I did when you gave your first steps.

·         And on those days when I am weary, discouraged or cranky, do not get angry… some day you will understand…

T    Try to understand that my age comes with limitations that are not of my choosing.

·       Some day you will discover that, despite my mistakes, I always wanted the best things for you and that I tried to prepare the way for you.

·        You must not feel sad, angry or fearful of the way my life is changing. Just be next to me, understand me and help me… as I did when you began your life.

·        Let me not walk alone… help me to my end with love and patience. I will pay you with a smile and by the immense love I will always have for you.

·        I love you with all my heart and being… my dearest son/daughter, Your father/mother

·        

Texstong Salin: 

Mahal kong anak,

Sa pagsapit ang aking katandaan,

Ako sana’y pagpasensyahan at unawain .

Kung sa aking pagkain ako ay marumihan,

Sarili’y hindi magawang bihisan at nagiging makakalimutin,

ako’y iyong unawain. Alalahanin ang mga panahong itinuro ko ang mga ito sayo.

Kung sa pakikipag-usap ko sayo, paulit-ulit ang aking mga sinasabi. . huwag mo akong pigilan.. . ako’y iyong pakinggan.

Noong musmos ka pa lamang, makailang ulit kong binabasa sayo ang paborito mong kwento hanggang sa ikaw ay makatuog.

Kung may pagkakataong ayaw kong maligo, huwag mo akong ikahiya o kagalitan  . . . Alalahanin mo ang mga sandaling kinukulit kita maligo ka lamang.

Kung makita mo ang aking pagkamulala sa mga bagong teknolohiya . . .huwag mo akong ngitian ng may pang-iinsulto, bigyan mo ako ng sapat na panahon na matutunan ang mga ito

Tinuruan kita ng maraming bagay . .  ang kumain, gumayak ng maayos at harapin ang buhay. Tulungan mo akong harapin ang aking katandaan sa pamamagitan ng pagtityaga mo sa akin.

Sa mga sandaling ako’y nakakalimot sa gitna ng ating usapan. . bigyan mo ako ng sapat na oras upang ako’y makaalala. .  at kung sadyang hindi ko na matandaan ang mga iyon, huwag kang mangamba. . . dahil ang higit na mahalaga sa pag-uusap na iyon ay  tayo’y magkapiling habang ika’y handang making sa akin. . .

Huwag mo akong pilitin kung sakaling ayaw kong kumain. . . alam ko kung kalian koi to dapat gawin.

Kung napapagod ang aking mga paa at hindi ko na kayang maglakad

Ibigay mo sana ang iyong mga kamay  . . .  tulad ng ginawa mo sa una mong pagtatangkang humakbang.

Sa mga araw na ako’y  hapo, dismayado at naiiinis . . . huwag kang magagalit . . .  balang araw ako’y mauunawaan.

Maunawaan mo sana na sa edad kong ito kayrami ng limitasyon na wala sa aking kagustuhan.

Pagdating ng panahon mababatid mo na sa kabila ng aking mga kahinaan, hangad ko ang lahat ng makakabuti sayo at pinilit na maisakatuparan ang lahat para sayo.

Huwag ka ng malungkot, magalit o matakot sa mga pagbabago sa aking buhay. Sapat ng ika’y nasa aking tabi, umuunawa at tinutulungan ako. .  tulad ng ginawa ko sa pagsisimula ng iyong buhay.

Huwag mo akong hayaang humakbang na mag-isa. . . samahan mo ako hanggang sa huli ng may pagmamahal at pag-unawa. Susuklian kita ng may ngiti at malaking pagmamahal na laging handang ibigay sayo.

Mahal kita ng buong puso aking anak.

 

ITO SANA EH. . .

Himig ng Buhay

Ni Wilma E. Hermogenes

Tumilaok ang manok

Napahiyaw sa kirot

Impit na tinig paulit-ulit

Bulahaw ang sumunod

Pag-iyak ang siyang pumalit

Hinaplos, hinagod

Katawang marupok

Inilapat sa dibdib

Kinalong sa bisig

Napaluha sa pagtitig

Sa gabing tahimik

Higaa’y lalangitngit

Kapag hikbi’y naghudyat

Mabilis na kaluskos

Sasaliw sayong lubos!

Oyayi’y maririnig

Sisiyap sa mga bisig

Hanggang sa mapapikit

Makakawala sa pagkakapit

Hilik ng kaharap ang papalit

Kampana ng orasa’y kaybilis

Makailang ulit na bisig ay naglingkis

Kay tutunog ng mga halik sa labing kaynipis

Alingawngaw ng halakhak tila tumatangis

hindi matatawara’t walang kaparis!

Nakagapang kung saan-saan

Nakakapit at nakatayo sa hawakan

Unti-unting binitiwan hanggang paa’y humakbang

Pagtaybo’y hindi na mapigilan

Natisod, nadapa’t nasugatan.

Tumawa, umiyak

Nangulit, nambwisit

Pumalpak, lumagapak

Umahon, umangat

Ibinuka ang mga pakpak.

Pangala’y umalingawngaw

Paksa sa mga umpukan

Presensya’y nakakabulahaw

Nakakabingi ang mga sigawan

Napapaos sa paghiyaw. .

Humarurot sa mga daan

Kalansing ng bulsa’y di nauubusan

Inaaksaya ang sagitsit sa lutuan

Tila daloy ng swerte’y walang katapusan

Humahaginit sa lahat ng maisipan. . .

Bumuhos ang malakas na ulan

Nakuryente sa kidlat ng kapalaran

Dumagundong ang mundong ginagalawan

Lumagapak sa pwestong pinaghirapan

Nabasag ang salamin ng kagandahan!

Pangala’y muling umalingawngaw

Paksa sa mga umpukang sumisingaw

Presensya nila’y nabubulahaw

Nabibingi sa mga isinisigaw

Napapaos na sa pagbulyaw

Baso’y bumagsak mula sa pagkakahawak

Sumunod ang alulong na nakakasindak

Bintana’y bumukas sa hanging humampas

Tumunog ang orasan upang magkamulat

Ngunit walang pumihit upang ito’y magwakas…

Tumilaok ang manok

Napahiyaw sa kirot

Impit na tinig paulit-ulit

Bulahaw ang sumunod

Pag-iyak ang siyang pumalit.. .

Panayam sa mga Bayani :)

RIZAL, BONIFACIO AT GALCOSO

BAYANI NG HABAMPANAHON

ni Wilma E. Hermogenes

Iisa ang layunin ng lahat ng guro, ito ang magpunla ng kaalaman at payabungin ang mga ito upang maging kapaki-pakinabang silang mamamayan. Nagkakaiba lamang ang mga ito sa pamamaraan at dedikasyong magampanan ang kanilang tungkulin. Nakakamangha ang mga gurong buong puso ang dedikasyon sa pagtuturo, higit na hinuhubog ang kakayahan para sa sarili’t kapakinabangan ng  kanyang mag-aaral at may panahong maglingkod hanggang sa labas ng paaralan.

Natatanging Guro 2012

Sa mga kadahilanang nabanggit sa itaas, taon-taon ay isinasagawa ang Metrobank Foundation Search for Outstanding Teachers. Dumadaan sa napakahabang proseso ang pagpili sa mga natatanging indibwal na ito sa kani-kanilang larangan.

Sa taong ito ang sampung natatangi at pinakamahuhusay na guro ito ay sina Dr. Roberto D. Santos, Jr. (Sta. Rita Elementary School Capas, Tarlac); Nueva P. Mangaoang (Man-it Integrated School Passi City); Rizal M. Vidallo ( Anabu II Elementary School Imus, Cavite) at Mariam B. Rivamonte (Santa Cruz South Central School, Marinduque) para sa Mababang Paaralan.

Sa Mataas na Paaralan naman ay sina Dr. Annie I. Rodriguez (Philippine Science High School-Southern Mindanao Campus Davao City); Bonifacio D. Caculitan, Jr.  (Ernesto Rondon High School Quezon City); Marivi L. Castro (General Santos City SPED Integrated School) at Galcoso C. Alburo (Concepcion Integrated School-Secondary Marikina City). Habang sa Kolehiyo naman ay sina  Dr. Hilda C. Montaño (West Visayas State University Iloilo City) at  Dr. Catherine P. Vistro-Yu ( Ateneo de Manila University Quezon City). Ang sampung ito ay nakatanggap ng prestihiyosong parangal noong Setyembre 5, 2012 kasabay ng pormal na pagbubukas ng National Teacher Month sa Shangri-la Hotel Makati.

Mga Buhay na Bayani

Si Rizal

            Isa sa pinakabatang pinangaralan bilang isa sa pinakamahusay na guro ng ating bansa si Rizal M. Vidallo. Nagmula sa Anabu II Elementary School sa Imus, Cavite at nagtuturo ng asignaturang Science sa loob ng 11 taon. Kapiling ang kanyang asawa na kapwa guro at biniyayaan ng dalawang anghel na kasalukuyang nag-aaral sa elementarya.

Nakakahanga ang kanyang mga nakamit na tagumpay bilang isang guro at sadyang hindi matatawaran ang naging kontribusyon nito sa lipunan. Naging 2011 Outstanding Science Club Adviser of the Philippines, delagado sa Japan Inetrnational Coperation Agency's Training Program for Young Leaders sa Osaka,Japan noong 2010, Natatanging Imuseno ng Gen. Pantaleon Garcia Award 2008, Gawad Parangal, 2009 & 2010, Finalist in Search for Honorees The Many Faces of the Teacher of Bato Balani Foundation, Inc.,Guro of the Year in 2008 at ang pinabago niyang natanggap ay ang Metrobank Ten Outstanding Teachers 2012.

Bukod sa mga naturang parangal ay aktibo rin siya sa mga gawaing pangkomunidad tulad ng pagiging Volunteer Teacher sa ALS (Alternative Learning System) ng Rotary 3010. Tuwing Miyerkules naglilingkod siya sa mga Out-of-school Youth at kung Huwebes ay sa BJMP Imus. Kung minsan Volunteer Sunday School Teacher siya  at tuwing bakasyon ay tumutulong sa DVBS (Daily Vacation Bible School) sa  kanyang bayang sinilangan sa Bendita, Magallanes, Cavite. Siya rin ang Pangulo ng Samahan ng mga guro sa Cavite.

                Ang Pilosopiya sa edukasyon ng kanyang  katukayong bayani ay makikita sa kanyang mga gawain. Ayon sa kanya “Naniniwala ako na lahat ng tao ay may karapatan na magtamasa ng edukasyon. Ang pagiging malaya ay di lamang pagkawala sa rehas na bakal, kundi pagkawala sa kamangmangan, edukasyon ang tunay na nagpapalaya sa bawat tao.” Dagdag pa niya ang kailangan na guro ngayon ay 

Gumagabay sa katotohanan at kabutihan para sa kaluguran ng Diyos,

Umaakay sa mga taong nangangailan at mahihina

Rumirespeto sa kalinisan at katatagan ng kalikasan

Oras ay nilalaan para punan ang kakulangan ng bansa.

            Ipinagmamalaki niyang maging guro dahil kahit na hindi siya politiko ay nakakapaglingkod siya sa bayan, bagamat di siya doktor ay nagagamot niya ang sakit ng lipunan higit na ang kamangmangan, wala man siyang tabak ni Bonifacio at panulat ni Rizal ay siya ang bagong bayani sa mga bata na sandigan ng karunungan, ugat ng kagandahang asal, alagad ng kalikasan at instrumento ng biyaya ng Panginoon.

Sa huli sinabi niyang nais niyang maaalala siya ng mga tao bilang Guro sapagkat ang guro ay isang ama na kumakalinga sa mga anak, nagbibigay di ng salapi kundi karunungan, haligi ng katoohanan, pagbabago, at pag-asa tungo sa kaunlaran, kasarinlan, at kabanalan. Hindi ko rin pinalagpas na malaman kung bakit Rizal ang kanyang pangalan at natatawa niyang sinabi na paborito kasi ng kanyang ina an gating pambansang bayani.

Si Bonifacio

                       Tahimik, mapagkumbaba at laging nakangiti, ibang iba sa katangian ng bayani ng Katinunan. Iyan ang mga katangiang nakita ko sa isa sa pinakamahusay na guro ng ating bansa na si G. Bonifacio D. Caculitan, Jr.  ng Ernesto Rondon High School sa Quezon City. Nagtuturo ng Physics sa kanyang paaralan maging ng Math at Mandarin sa Philippine School of Business Administration sa Quezon City.

                        Dalawampu’t apat na taong serbisyo sa pagtuturo at butihing ama sa tatlo niyang anak at sa kanyang asawa na isa ring guro sa elementarya. Bukod sa pagtuturo ay ipinagpapatuloy niya ang kanyang adbokasya sa pangangalaga ng ating inang kalikasan at aktibo sa mga gawain ng Kiwanis International.

                        Ang pagpili sa kanya bilang Metrobank Foundation Outstanding Teacher ay nakabase sa lahat ng aspeto at tumutugon siya sa kanyang tungkulin bilang guro na iangat ang kalidad ng edukasyon sa bansa. Dagdag pa niya ang gurong walang pag-iimbot na gampanan ang kanyang tungkulin ang kailangan ng mga kabataan ngayon.

                        Nais niyang makilala bilang ama hindi lamang sa kanyang mga anak kundi pati na rin sa lahat mag-aaral na kanyang naturuan. Wika nga niya “Ipinagmamalaki kong maging guro dahil marami akong natutulungan. Bilang isang guro sa simpleng pamamaraan ay nakakapag-ambag ako sa ikabubuti ng ating lipunan.”

Si Galcoso

                        Makailang ulit siyang ipinakilala sa akin na si Apolinario, iyon pala’y bahagi ito ng kanilang mga biruan dahil na rin sa kanyang mga kaibigang sina G. Rizal at G. Bonifacio. Sabi nga ni G. Galcoso C. Alburo ng Concepcion Integrated School-Secondary sa Marikina City  na isa sa kinilalang Outstanding Teacher 2012 “Si Apolinario Mabini ay ibang-iba sa aking pagkatao at aking kakayahan bilang isang guro at ordinaryong tao.” Walong taon na rin siyang kasal sa kanyang kabiyak at biyayaan sila ng dalawang anak.

                        Nagpakadalubhasa sa pagtuturo Filipino, Values, at Journalism at nagtapos ng kanyang MA sa UP at kasalukuyang tinatapos ang kanyang disertasyon para sa kanyang  PhD.  Labinlimang taon na siyang nagtuturo at walang pag-aalinlangan niyang ibinahagi ang ilan sa mga teknik niya sa pagtuturo na isa sa mga naging basehan sa pagkakapili sa kanya ng Metrobank.

                          Ayon sa kanya “Marami akong atake sa pagtuturo na laging may Oo nga ano!  factor sa mga bata. Demokratiko ang approach ko at iba-iba depende sa klase ng learner. Taon-taon ay may gimik ako na iba sa mga nauna ko ng mga estudyante. binabagay ko ang personality ko sa paksang pinag-uusapan. Dagdag pa niya “Mas ok sa akin na gamitin ang sarili ko bilang visual kaysa traditional na mga visual aids. I use ICT normally hindi yung makagamit lang ng powerpoint lang ok na. lahat ng bata nabibigyan ko ng pagkakataon na magsalita sa klase. ginagamit ko ang fb as extension virtual classroom.”  Sa madaling sabi  hindi boring ang kanyang klase at kakaiba talaga ang kanyang atake . Siya ay napapasaya, napapaiyak, napapahanga, at napapagalit ng kanyang  klase kung gusto niya.

                        Nang tanungin ko siya tungkol sa iba pa niyang karangalan na nakamit ay napahanga ako sa anyang kababaang loob. Hindi niya inisa-isa ang mga ito dahil para sa kanya ang mga karangalan na nahahayag sa mga tao ay yaong maaaring maka-inspire sa kanila at makatulong sa kanila na sabihin nila sa kanilang sarili na kaya rin nila. Ibinabahagi lamang niya ang kanyang mga tagumpay kung makakatulong ito sa pagdaragdag ng tiwala sa kanya at nakatulong ito sa pag-angat niya bilang guro. Sabi nga niya “Human recognition is good but God's recognition is the great recognition".

                        Ibinahagi pa niya na ang kanyang serbisyo ay hindi lamang sa loob ng klase kundi maging sa komunidad. Miyembro siya ng ng isang Non-Government Organization na Coalition for Better Education (CBE) at kasama din dito ang Globe Telecom na nakabase sa Cebu. Kabilang sa adboskasiya niya ang ICT Integration in Teaching at Project Based Learning (PBL) kung saan ito ay kapaki-pakinabang sa mga bata, guro at sa lipunan. Volunter ang Alternative Learning System (ALS) na nagsasagawa ng mga Medical Missions. May sariling mga iskolar, PTA Officer, nagsasagawa ng bible studies at inaasikaso ang mga evacuees sa iskul kapag may baha at sa tulong ng mga kapwa guro, alumni, gobyerno, NGO's at iba pa.

                        Sa pagtatapos ng aming talakayan ay higit pang naging makahulugan ang kanyang mga pahayag. Panalangin niya gumawa sana ang tao ng mabuti sa kanyang kapwa at higit sa lahat kilalanin nila ang Dios na makapangyarihan sa lahat. Hiling din niya na sana maalala ng kanyang pamilya na ingatan ang pangalan na ibinigay niya sa kanila.  Dagdag pa njya dalawang bagay lamang ang alam niyang mahirap gawin sa mundo “Una ang gumawa ng mabuting pangalan at ang ikalawa, ay papaano iingatan ang mabuting pangalan.”

                                Nagpapasalamat ako at nabigyan ako ng pagkakataong makikilala ang tatlong bayani ng ating bansa. Higit sa karanasan ang inspirasyong iniwan nila ang siyang nararapat na tularan upang lumabas ang ilan pang bayani ng ating bansa. IKAW, BAYANI NG ATING BAYAN ANO ANG IYONG IAAMBAG?