KFC :)

kayrikit man na ipinta
kung lutang ang kaluluwa
saglit kang mahahalina
ngunit kusang mawawala

pagkain na nabilasa
ilublob mo sa harina
pag-aho'y matatakam ka
nakubli ang lansa niya

itlog na napakasarap
sa umaga'y laging hangad,
Ilan ay sadyang nabugok
Kinubli ng puting balat.

palamuti sayong ulo,
koronang tinik ba ito?
litaw sayong pagkatao
paghihirap mong totoo!

inayawan na nang mundo,
iyan pa rin ang 'yong gusto!
kakaiba pa rin ba 'to?
O tigas na 'yan ng ulo?

kung ang puso'y sadyang tapat
walang dapat ipangilag
iisa ang ating hangad
makamit tuwid na landas!